|
|
Olug şäxeskä berniçä sorau |
|
Bügenge jazuçïlarïbïzga da ürnäk bulsïn! |
|
|
Sara xanïm 1922 elnïñ 21 martïnda «Tatarstan xäbärläre» gazetasï Galimcan Ibrahimovnïñ «Böek ömidlär aldïnda» isemle mäkaläsen bastïra. Anda Sezneñ icatïgïz da telgä alïngan. Ädipneñ bu ig˝tibarï Sezneñ icatka jogïntï jasadïmï? Sara Sadïjkova, TASSRnïñ xalïk artistkasï, RSFSRnïñ atkazangan sängat’ ěşleklese: - Bolaj buldï ul. «Büz eget»ne bez berençe tapkïr 1921 elnïñ dekabrendä kujdïk. Spektakl’, Tatarstandagï böten muzïkal’ köçlärgä tajanïp, Soltan Gabäşi tarafïnnan äzerlände. 1922 elnïñ martïnda kabat ujnadïk. Galimcan abïj mäkaläsen spektakl’ne ikençe tapkïr karagaç, jag˝ni citdi ujlanulardan soñ jazgan. Min ul vakïtta pedagogija uçilişesïnda ukïj idem. Gazetanï iptäşlärem kütärep kildelär. - Kürdeñme, sineñ ujnavïñnï Galimcan Ibrahimov maktagan! - dilär. - Menä, tïñla! «...Büz eget» facigasendä gaşïjk xan kïzï Säxipcamal rolen ujnauçï Sara tutaş Donskaja (ätiemnän şiklänep, min familijamne üzgärtkän idem) ...teläsä üzeneñ tavïşï belän, teläsä xäräkätläre belän hämmä xalïkta tirän ber ömid ujattï. Bu, şöbhäsez, tuïp kiläçäk talantlarnïñ... jaña kuätlärneñ bereder». - Kem ul? Tege zur Galimcan abïjmï? - dim. - Alar barïn da añlatïp birgäç, bötenläj kauşap kaldïm. Galimcan abïj ul çakta uk bik abrujlï, däräcäle şäxes ide. Şul keşe, zur ömetlär baglap, böten xalïknïñ ig˝tibarïn siña junältsen äle! Küñeldä kurku ujandï: «Ömetlären aklïj almasam, ojatïmnï kaja kujarmïn, küzlärenä niçek kürenermen?» Bez ul ellarda kuldan kilgänneñ barïn da xalïkka, gomumi üseşkä, alga barïşka bagïşlïj idek. Şäxsi şan-şöhrät turïnda ujlau da juk. Bäxetebezgä, ostazlarïbïz ifrat däräcädä ig˝tibarlï buldïlar. Änä şuşï 1922 elda uk Tatarstan mine Mäskäü konservatorijasenä ukïrga cibärde. Soñïnnan da icatïm härçak ig˝ti-bar üzägendä tordï, gazeta-zhurnallarda säxnädäge uñïşlarïma, kompozitorlïk ěşemä karata jazïlgan mäkalälärgä urïn küp birelep kilde. Ämma berençe adïmïmnï kürep alïp, şuña zur ömet baglap, sängat’neñ tagïn da biegräk ürenä äjdägän Galimcan Ibrahimov mäkaläse gomerem bue mine, avïrlïklarga baş imiçä, armïj-talmïj xezmät itärgä därtländerep tordï. Şuña östäp äjtim äle: zur ädibebezneñ tatar sängaten üsterügä kujgan köçe bügenge jazuçïlarïbïznï da ujlandïrsïn ide! Jaş’lärebezgä ig˝tibar kiräk. Iltifatsïzlïk alarnï, ber jaktan, boektïrïp, näümizländerep kaldïrsa, ikençe jaktan, ärsezlekkä, tïjnaksïzlïkka da öjrätüe ixtimal. Jörilär kajberäülär bulïr-bulmas tavïşlarï belän maktau süzen jazar keşe ězläp. Bar andïjlar. Sängat’ julïna ajak baskan här jaş’ köçne ig˝tibar üzägenä alsak, barïbïz öçen dä häjbät bulïr.
Iskärmä: Bu cavap Sara Sadïjkovanïñ vafatïna ike atnalap kalgan könnärdä, 1986 elnïñ 22 maenda Kojaş Timbikova tarafïnnan jazïp alïngan ide. |
|
