|
|
SIN - TATARNÏÑ SANDUGAÇÏ, SARA Cir
Mäsgut IMAŞEV |
|
Räxmät siña! |
|
|
Radiodan, televizordan cïrlarï jañgïragan, studentlarïma anïñ äsärlären öjrätkän, üzem köjlär jazarga nijatlängän, muzïka tudïrganda karşïlïklarga, kïenlïklarga oçragan saen iskä töşä Sara apa. Ul minem öçen tïrïş icatçï ürnäge.
Sara apa beraz gïna kölä töşkän kïjafättä, ozïn külmäktän, ěşläpä kigän kileş şaktïj karlïkkan tavïşï belän küz aldïma kilep basa. Anïñ belän oçraşularïbïz az bulmadï: ber ük kontsertta, kiçädä katnaşkanïbïz da, anïñ icat kiçälärendä cïrlavïm da,
jaña köjlären öjrängändä öendä repetitsijalärdä, radioga jazïlgandagï kiñäşläşülär dä - hämmäse minem küñelemdä izge xatirälär bulïp saklana. Ber vakïtnï Qazandagï Lenin isemendäge mädänijat saraenda Sara apanïñ Mansur Şihapov süzlärenä jazïlgan «Jaş’legem ězläre» digän cïrïn cïrlap çïkkaç, ul säxnä artïna kerep, minem arkamnan söep, räxmät äjtkäne isemdä: «Şäp cïrladïñ, molodets», - dide ul häm östäp kujdï: «Bu cïrnï Näfisä Vasilova da äjbät üzençä matur». ... Ä ber könne bajançï, kompozitor Räis abïj Safiullin belän bez Tinçurin teatrïnïñ kapka töbendä söjläşep tora idek. Janïbïzga Sara apa kilep tuktadï - radioga bara ikän. Süzebez muzïka turïnda, cïrlar turïnda dävam itte. Şunda Sara apa äjtep kujdï: «Bügengese könne xalïk jaratkan cïrlar arasïnda iñ kiñ tanïlgannarï öçäü: berse minem «Cidegän çişmä», ikençese, Imaş, sineñ «Kïr kazlarï artïnnan", öçençese, Räis, sineñ "Bik sagïndïm, avïlïm" digän cïriñ. Öç Zhoranïñ öç avtorï bergä turï kilgänbez, izge fal bulsïn inde bu, egetlär». Räis abïj belän bez: «Sineñ köjlärgä citep bulmïj şul, Sara apa», -dip, anïñ küñelen kütärergä aşïktïk. ... Sara apanïñ icatï çäçäk atkan ellarda (1960-1970) şagïjr’ Mostafa Nogman belän ikesen bezneñ Barda rajonïnïñ başlïgï (ul ellarda partija rajkomïnïñ berençe sekretare), üze dä sängat’kä gaşïjk keşe, Zäbir Galimov çakïrïp ala häm rajon sanatoriena urnaştïrïp, bezneñ jak turïnda cïr jazularïn ütenä. Näticädä «Tol bujlarï» digän därtle matur cïr tua (Tol elgasï rajonnïñ buennan-buena kisep çïkkan taulï, urmanlï, bolïnnarga, vagrak elgalarga, çişmälärgä baj tabigate belän Barda jagïn bizäp aguçï elga ul). Şul ellardan başlap Sara apa belän Mostafa Nogman icat itkän bu cïr rajonïbïznïñ räsmiläşterelmägän gimnï rolen üti. Barda rajonï xalkï anï törle mäcleslärdä dä, tantanalï cïelïşlarda da, Sabantujlarda da, klublarda da, mäktäplärdä dä jaratïp cïrlïj. Ä rajonnan çittä jaşäüçelär tugan jagïbïznï sagïnganda iñ ělek «Tol bujlarï»n cïrlap juana häm anïñ avtorlarïna räxmät xisläre kiçerä. ... Minem kontsert programmalarïmda Sara apanïñ bajtak cïrlarï jañgïradï häm jañgïrïj. Mäsälän, «Irtänge nur», «Qazan kiçläre», «Aktanïş tañnarï», «Arça kiçläre», «Kajtam inde», «Tugan avïlïm Çïñlï» häm başkalar. Kajber cïrlarïn Sara apanïñ üzeneñ tök’dime-üteneçe buença öjränep cïrladïm. «Menä, ; Imaş, jaña köj jazdïm, kue bariton tavïşlï ir-egetlär cïrlasa äjbät jañgïrar kebek, ejränep kara äle şunï», - dip küñelemä kanat kïstïrïp möräcägat’ itkäç, min bik teläp alïna idem. Kojaş Timbikova süzlärenä jazïlgan «Avïldaşlar» digän cïrï. Nurmöxämmät Xisamov süzlärenä jazïlgan «Gorurlïgïm» cïrï da şulaj öjränelde. ... Sara apa açïk küñelle, turï süzle söjläşergä irenmi torgan äñgämäçe dä ide. Jaş’ cïrçïlarga, muzïkantlarga kiñäşlären kïzganmadï, citeşmägän jaklarnï sizsä, kürsä, bör dä ikelänmiçä turïsïn äjter ide. Izge teläk belän äjtkäç, aña berkem dä üpkälämi ide. Ä öenä nindi genä jomïş belän kilsäñ dä, xätta bik aşïksañ da, çäj ěçermiçä çïgarmadï. Gomeremneñ küpmeder öleşen mäşhür cïrçï, kompozitor, igelekle keşe Sara apa belän aralaşïp jaşävem belän min bik bäxetle. Räxmät aña! |
|
