1 nojabr’ - Sara apa Sadïjkovanïñ tugan könendä, Mäskäüneñ mädäni üzägendä uzgan Ädäbi - muzïkal’ salon utïrïşï Sara apa Sadïjkovanïñ 100 ellïk jubileena bagïşlangan ide.

Kiçäne mädäni üzäk kitapxänäse mödire Nurzidä Çanïşeva açïp cibärde häm ul Sara apanïñ tormïş julï, icadi turïnda söjläde. Oçraşuda Sara Sadïjkova başkaruïnda tasmaga jazïlgan cïrlar jañgïradï, anï kürep belgän mäskäülelärneñ istälekläre dä söjlände häm videotasmalar kürsätelde. 

Kitapxnänä dä ul könne Sara Sadïjkovanïñ küñelenä xuş kilerlek itep, çuklï şällär, ěncele kalfaklar, kamzullï- bäbitäkle tatar kïzlarï kiep jörgän külmäklär belän bizälgän ide. Bu külmäk, kalfaklarnï üz kullarï belän tekkän Tançulpan Işbirdina milli üzäkkä alarnï sandïgï belän alïp kilgän.

Sara Sadïjkova turïnda istälekläre belän anïñ belän ber jortta jaşägän eş aralaşkan, 37 elga kadär Mäskäüneñ tarixi mäçet mullasï bulïp ěşlägän Abulla xäzrätneñ kïzï Ilsöjar xanïm urtaklaştï. Ul “Sara apa belän beä ber jortta jaşi idek. Ul berençe katta, bez ikençe katta. Bez anï çäjgä çakïra idek. Ul bezdä pianinana ujnap, cïrlïj da torgan ide” dip, istälekläre belän urtaklaştï.

Ilsöjar xanïmnïñ istäleklärennän soñ, alarnïñ jortïnda bala çagïnda eş bula torgan tanïlgan tarixçï Gaziz Gobäjdullinnïñ kilene, Äminä Xösäen kïzï Gobäjdullina da süz aldï.

Sara Sadïjkovanïñ tugan könen bilgeläp ütkän ul kiçädä Sara Sadïjkovanï kürep belgän keşelär bajtak kïna ide. 95 jaşlek Roza xanïm Kostrova Mäskäüdä Sara apa belän Räşit VaHapovnïñ kontsertï turïnda da, Sara Sadïjkova belän oçraşuï xakïnda da kïzïklï istäleklären bäjan itte.

Oçraşuda şulaj uk Nailä Fatexova, Zämzämija Säxäbetdinova häm Roza Xabibullina, başkarunïda da Sara Sadïjkova cïrlarï jañgïradï.

Oçraşuga kilgän här keşegä Sara Sadïjkovanïñ cïrlarï- notalarï, latin xärefendä basïlgan şigïr’lär belän, büläk bularak taratïldï. Älbättä, kiçä çäj östäle artïnda da dävam itte. Anda da Sara Sadïkova turïnda istäleklär artï, istäleklär jañgïradï.

Mäskäüdä Sara Sadïjkovaga bagïşlangan oçraşular berençese bulsa da, soñgïsï tügel. Tagïn şundïj oçraşular 5 nojabr’dä, häm Sara Sadïjkovanïñ kïzï Älfija Ajdarskaja, Kazan artistlarï katnaşïnda 25 nojabr’dä dä uzarga tieş. 

Süz uñaenda şunï da äjtergä kiräk, bïel Kazanda uzgan Sara Sadïjkova festivalendä Zämzämija Säxäbetdinova citäkçelegendäge “Şatlïk” törkeme berençe urïnnï alïp kajtkan.

 Automatic translation