ӘНКӘЙ

Сара Садыйкова көе,
Роберт Миңнуллин сyзләре

Әнкәй безне Сөннән алып кайткан,
Сөн суында юган иң элек.
Бишек җыры җырлап төннәр буе
Без үскәнне көткән тилмереп.

Без биш бала үстек — бер йодрык,
Тик үсмәдек иркә кочакта.
Без әнкәйнең биш шатлыгы идек,
Биш кайгысы булдык кайчакта.

Без үскәндә күпме борчылулар
Күргән әнкәй гомер эчендә;
Онытмабыз, әнкәй, мәңге сине,
Рәхмәт яусын барсы өчен дә.

Хәзер инде җиткән балалар без,
Кунак кына әнкәй янында.
Әниләрнең олы йөрәгенә
Изгелекнең сыйган барсы да.

Санап кына бетерерлек түгел
әниләрдән күргән игелек.
Әнкәй безне Сөннән алып кайткан,
Сөн суында юган иң элек.

ÄNKÄJ

Sara Sadïjkova köe,
Robert Miñnullin süzläre

Änkäj bezne Sönnän alïp kajtkan,
Sön suïnda jugan iñ elek.
Bişek cïrï cïrlap tönnär bue
Bez üskänne kötkän tilmerep.

Bez biş bala üstek — ber jodrïk,
Tik üsmädek irkä koçakta.
Bez änkäjneñ biş şatlïgï idek,
Biş kajgïsï buldïk kajçakta.

Bez üskändä küpme borçïlular
Kürgän änkäj gomer eçendä;
Onïtmabïz, änkäj, mäñge sine,
Räxmät jausïn barsï öçen dä.

Xäzer inde citkän balalar bez,
Kunak kïna änkäj janïnda.
Änilärneñ olï jörägenä
Izgelekneñ sïjgan barsï da.

Sanap kïna betererlek tügel
änilärdän kürgän igelek.
Änkäj bezne Sönnän alïp kajtkan,
Sön suïnda jugan iñ elek.