Туй җыры

Сара Садыйкова көе,
Әфикъ Юныс сyзләре

Беренче туй күптән онытылды,
Көмеш туйга әле иртәрәк.
Тик йөрәгем ярсып тибеп куйды
Туй буласы йортка җитәрәк.

Кушымта:
Туйда, туйда, туйда җырлап һич туймыйсың,
Эх! Кияү булып йөргән чакны уйлыйсың.
Бас, бас, бас бу якта,
Бас, бас кызу чакта.
Тал булып бөгелсен такта -
Туйда бии тукмак та

Әйтерсең лә урам әйләнеп,
Төштек менә икәү чанадан.
Кар-бураннар, кыңгыраулар белән
Яшьлек кайтты кебек яңадан.

К у ш ы м т а.

Еллар үткәч, яшәү шатлыгы
Көчле була икән бигрәк тә.
Туйда биеп, идән җимерерлек
Дәрт саклана икән йөрәктә!

Кушымта.

Tuj cïrï

Sara Sadïjkova köe,
Äfik˝ Junïs  süzläre

Berençe tuj küptän onïtïldï,
Kömeş tujga äle irtäräk.
Tik jörägem jarsïp tibep kujdï
Tuj bulasï jortka citäräk.

Kuşïmta:
Tujda, tujda, tujda cïrlap hiç tujmïjsïñ,
Ěx! Kijaü bulïp jörgän çaknï ujlïjsïñ.
Bas, bas, bas bu jakta,
Bas, bas kïzu çakta.
Tal bulïp bögelsen takta -
Tujda bii tukmak ta

Äjterseñ lä uram äjlänep,
Töştek menä ikäü çanadan.
Kar-burannar, kïñgïraular belän
Jaş’lek kajttï kebek jañadan.

K u ş ï m t a.

Ellar ütkäç, jaşäü şatlïgï
Köçle bula ikän bigräk tä.
Tujda biep, idän cimererlek
Därt saklana ikän jöräktä!

Kuşïmta.