Сагыш

Сара Садыйкова көе,
Рамазан Байтимеров сyзләре

Язмыш илтте яшьли еракларга,
Йөрәк ничек ярсып типмәсен.
Читтә яшәп, ялгыз картаерга
Беркемгә дә насыйп итмәсен.

Тезелешеп кошлар очкан чакта
Карый идем күккә каерылып.
Кошларның да калмый бәхетлесе
Еракларда ялгыз аерылып.

Туган җирне кайтып бер күрсәм дә,
Мин үкенмәм, дидем, үлсәм дә.
Баш очымда салып калдырырга
Туфраккаен йөрттем кесәмдә.

Sagïş

Sara Sadïjkova köe,
Ramazan Bajtimerov süzläre

Jazmïş iltte jaş’li eraklarga,
Jöräk niçek jarsïp tipmäsen.
Çittä jaşäp, jalgïz kartaerga
Berkemgä dä nasïjp itmäsen.

Tezeleşep koşlar oçkan çakta
Karïj idem kükkä kaerïlïp.
Koşlarnïñ da kalmïj bäxetlese
Eraklarda jalgïz aerïlïp.

Tugan cirne kajtïp ber kürsäm dä,
Min ükenmäm, didem, ülsäm dä.
Baş oçïmda salïp kaldïrïrga
Tufrakkaen jörttem kesämdä.