Казан кичләре

Сара Садыйкова көе,
Хәсән Туфан сyзләре

Кил әле, Иделнең җиләс җиле,
Юлларга чәчәкләр сип әле.
Ак булып, саф булып истә калсын
Казанның кадерле кичләре.

Туган ил чакырган зур юлларга
Китәрбез таңнарда без моннан.
Озатып калырсың безне,
Казан, Баласын очырган кош сыман.

Яшәрбез туган җир туфрагында,
Кырларда, Иделдә-диңгездә.
Исән-сау булсыннар балалар, дип,
Хәерле юл телә, Ил, безгә.

Иделгә сузылган айлы юлдан
Тын гына, моң гына җыр ага.
Сагынырбыз, дуслар, бу кичләрне
Чәчләргә чал кергән чорда да.

Ал гөлләр сибегез безнең юлга,
Иделнең иртәнге җилләре.
Мәңгегә, гомергә истә калсын
Казанның кадерле кичләре.

Qazan kiçläre

Sara Sadïjkova köe,
Xäsän Tufan süzläre

Kil äle, Idelneñ ciläs cile,
Jullarga çäçäklär sip äle.
Ak bulïp, saf bulïp istä kalsïn
Qazannïñ kaderle kiçläre.

Tugan il çakïrgan zur jullarga
Kitärbez tañnarda bez monnan.
Ozatïp kalïrsïñ bezne,
Qazan, Balasïn oçïrgan koş sïman.

Jaşärbez tugan cir tufragïnda,
Kïrlarda, Ideldä-diñgezdä.
Isän-sau bulsïnnar balalar, dip,
Xäerle jul telä, Il, bezgä.

Idelgä suzïlgan ajlï juldan
Tïn gïna, moñ gïna cïr aga.
Sagïnïrbïz, duslar, bu kiçlärne
Çäçlärgä çal kergän çorda da.

Al göllär sibegez bezneñ julga,
Idelneñ irtänge cilläre.
Mäñgegä, gomergä istä kalsïn
Qazannïñ kaderle kiçläre.