МИН БЕРЕНЧЕ ЧӘЧӘКЛӘРНЕ ЭЗЛИМ

Сара Садыйкова көе,
Сибгат Хәким сyзләре

Мин язларны алдан көтеп алам,
Моңнарына бирелә башкаем;
Мин беренче чәчәкләрне җыйган
Урыннарга барам яз саен.

Мин беренче чәчәкләрне эзлим,
Алар, бәлки, башка төштәдер...
Беренчеләр мине сагындыра,
Беренчеләр минем истә гел.

Яз авышса, җәйнең уртасы бар,
Чәчәкләре аның ишлерәк.
Югалтуның ни икәнен белә,
Юатуны белми һич йөрәк.

MIN BERENÇE ÇÄÇÄKLÄRNE ĚZLIM

Sara Sadïjkova köe,
Sibğät Xäkim süzläre

Min jazlarnï aldan kötep alam,
Moñnarïna birelä başkaem;
Min berençe çäçäklärne cïjgan
Urïnnarga baram jaz saen.

Min berençe çäçäklärne ězlim,
Alar, bälki, başka töştäder...
Berençelär mine sagïndïra,
Berençelär minem istä gel.

Jaz avïşsa, cäjneñ urtasï bar,
Çäçäkläre anïñ işleräk.
Jugaltunïñ ni ikänen belä,
Juatunï belmi hiç jöräk.