Чит илләргә чыксаң...

Сара Садыйкова көе,
Илдар Юзеев сyзләре

Китмә, диләр, бездә калып җырла...
Әллә инде аңлый алмыйлар:
Туган илдән киткән сандугачлар
Чит җирләрдә сайрый алмыйлар.

Мин сандугач түгел, җырлыйм өзелеп,
Туган якка уем тартылган;
Сандугачтай читтә саргайганчы,
Очып кайтам җырым артыннан.

Адашканнар, сагынып тилмергәннәр
Бу җырымнан эзләп тапсыннар,
Телсез-җырсыз калган сандугачлар
Туган илләренә кайтсыннар.

Мин сандугач түгел, җырлыйм өзелеп,
Илсез саргаюлар чын икән...
Чит илләргә чыксаң, озак торма,—
Гыйбрәт алыр өчен чык икән.

Мин сандугач түгел, җырлыйм өзелеп.
Туган якка уем тартылган;
Сандугачтай читтә саргайганчы,
Очып кайтам җырым артыннан.

Çit illärgä çïksañ...

Sara Sadïjkova köe,
 Ildar Juzeev süzläre

Kitmä, dilär, bezdä kalïp cïrla...
Ällä inde añlïj almïjlar:
Tugan ildän kitkän sandugaçlar
Çit cirlärdä sajrïj almïjlar.

Min sandugaç tügel, cïrlïjm özelep,
Tugan jakka uem tartïlgan;
Sandugaçtaj çittä sargajgançï,
Oçïp kajtam cïrïm artïnnan.

Adaşkannar, sagïnïp tilmergännär
Bu cïrïmnan ězläp tapsïnnar,
Telsez-cïrsïz kalgan sandugaçlar
Tugan illärenä kajtsïnnar.

Min sandugaç tügel, cïrlïjm özelep,
Ilsez sargajular çïn ikän...
Çit illärgä çïksañ, ozak torma,—
Gïjbrät alïr öçen çïk ikän.

Min sandugaç tügel, cïrlïjm özelep.
Tugan jakka uem tartïlgan;
Sandugaçtaj çittä sargajgançï,
Oçïp kajtam cïrïm artïnnan.