Белегез шуны

Сара Садыйкова көе,
Илгизәр Фазлуллин сyзләре

Иртә таңнарда карыйм талларга,
Өзә үзәкне кошларның, моңы.
Аерылсам сездән, якын дусларым,
Саргаер идем — белегез шуны.

Көзләр җитүен, кошлар китүен
Күпме кичерде гомерләр юлы!
Кояшлы язым, чәчәкле җәем —
Сез ул, дусларым,— белегез шуны.

Нурлана күзләр, тәмләнә сүзләр,
Бетә таралып күңелнең моңы.
Күрсәм яңадан сезне, дусларым,
Бәхетем арта — белегез шуны.

Belegez şunï

Sara Sadïjkova köe,
 Ilgizär Fazlullin süzläre

Irtä tañnarda karïjm tallarga,
Özä üzäkne koşlarnïñ, moñï.
Aerïlsam sezdän, jakïn duslarïm,
Sargaer idem — belegez şunï.

Közlär citüen, koşlar kitüen
Küpme kiçerde gomerlär julï!
Kojaşlï jazïm, çäçäkle cäem —
Sez ul, duslarïm,— belegez şunï.

Nurlana küzlär, tämlänä süzlär,
Betä taralïp küñelneñ moñï.
Kürsäm jañadan sezne, duslarïm,
Bäxetem arta — belegez şunï.