Балкый Шәйморза утлары

Сара Садыйкова көе,
Мостафа Ногман сyзләре

Балкый Шәйморза утлары
Зәңгәр таңнарга кадәр.
Шәйморзаны оныта алмыйсың,
Бер барып күрсәң әгәр.

Кушымта:
Шәйморза, Шәйморза,
Туган җиребез Шәйморза;
Безнең яшьлек елларыбыз
Гөр килеп синдә уза.

Макталмый безнең Шәйморза
Урманнар, күлләр белән.
Балкый ул кайнар йөрәкләр,
Якты күңелләр белән.

Кушымта.

Яшь кызларын, егетләрен
Шәһәрләр, вузлар тарта.
Бик күпләре канатланып
Туган якларга кайта.

Кушымта.

Яңара безнең Шәйморза,
Нурланып үсә һаман
Илебез күгендә янган
Якты бер йолдыз сыман.

Кушымта.

Balkïj Şäjmorza utlarï

Sara Sadïjkova köe,
Mostafa Nogman süzläre

Balkïj Şäjmorza utlarï
Zäñgär tañnarga kadär.
Şäjmorzanï onïta almïjsïñ,
Ber barïp kürsäñ ägär.

Kuşïmta:
Şäjmorza, Şäjmorza,
Tugan cirebez Şäjmorza;
Bezneñ jaş’lek ellarïbïz
Gör kilep sindä uza.

Maktalmïj bezneñ Şäjmorza
Urmannar, küllär belän.
Balkïj ul kajnar jöräklär,
Jaktï küñellär belän.

Kuşïmta.

Jaş’ kïzlarïn, egetlären
Şähärlär, vuzlar tarta.
Bik küpläre kanatlanïp
Tugan jaklarga kajta.

Kuşïmta.

Jañara bezneñ Şäjmorza,
Nurlanïp üsä haman
Ilebez kügendä jangan
Jaktï ber joldïz sïman.

Kuşïmta.